Theret me thikë një person në Dardani
Një person ka pësuar lëndime trupore, pasi dyshohet të jetë sulmuar me thikë.
Indeksonline raporton se rasti ka ndodhur në rrugën “Bill Klinton” në Prishtinë.
Ndërkohë, rastin e ka konfirmuar edhe zëdhënësja e Policisë për Rajonin e Prishtinës, Flora Ahmeti.
“Sot rreth orës 18 :30, kemi marrë informatën se një person i lënduar ndodhet në rrugën Bill Klinton në Prishtinë. Bazuar në të dhënat fillestare, dyshohet se lëndimet e personit janë të shkaktuara nga një mjet i mprehtë.
Personi i lënduar është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti” deklaroi Ahmeti për Indeksonline.
Detaje tjera:
Policia e Kosovës ka bllokuar pjesën tek bulevardi “Bill Clinton” kjo pasi që një person është therur aty me një mjetë të mprehtë, raporton Gazeta10.
Lajmin e ka konfirmuar zëdhënësja e policisë së rajonit të Prishtinës, Flora Ahmeti e cila ka thënë se rasti ka ndodhur më herët dhe personi i lënduar është dërguar për trajtim.
“Sot rreth orës 18 :30, kemi marrë informatën se një person i lënduar ndodhet në rrugën Bill Klinton në Prishtinë. Bazuar në të dhënat fillestare, dyshohet se lëndimet e personit janë të shkaktuara nga një mjet i mprehtë. Personi i lënduar është dërguar për trajtim mjekësor.” ka deklaruar Ahmeti.
Ndërkohë policia ka nisur një hetim lidhur me rrethanat e këtij rasti.
