E dhimbshme: Gruaja u helmua nga preparatet higjienike dhe humbi jetën

Një ngjarje e rëndë ka ndodhur dje në një familje nga fshati Sllatinë e Epërme në Viti.

Një grua dyshohet se ishte helmuar nga preparatet higjienike dhe për pasojë ka humbur jetën.

E ndjera fillimisht ishte trajtuar në QKMF, por më pas është dërguar në QKUK, ku edhe vdiq.

Burimet nga Emergjenca kanë bërë me dije se bëhet fjalë për një 43-vjeçare, e cila ishte pranuar në këtë qendër në gjendje të rëndë, por s’ka arritur të mbijetojë.

Në orët e pasdites, viktima ka humbur jetën, me ç’rast është njoftuar edhe Policia, që ka dalë në vendin e ngjarjes.

Me urdhër të Prokurorit të Shtetit kanë nisur hetimet për rastin dhe trupi është dërguar në IML për obduksion.

Për identitetin e të ndjerës do të ju mbajmë të informuar.