Kjo komunë ndalon përdorimin e mjeteve piroteknike

Sipas vendimit qytetarët do të ndalohen të përdorin mjete piroteknike në vende të hapura.

Ky ndalim bëhet nga data 20-dhjetor 2022 deri më 3-janar 2023.

“Kryetari i Komunës së Gjiilanit, Alban Hyseni, ka marrë vendim që të ndalohet përdorimi i mjeteve piroteknike. Ndalesa e përdorimit të mjeteve piroteknike është nga data 20 dhjetor 2022 deri më 3 janar 2023.

Sipas këtij vendimi, ndalohet përdorimi i produkteve piroteknike/fishekzjarrëve në vendet e hapura publike, përkatësisht në tregje, rrugë e sheshe”, thuhet në njoftimin e komunës.

Poashtu bëhet e ditur se qytetarët që nuk respektojnë këtë vendim do të dënohen më nga 100 euro.

“Personat të cilët veprojnë në kundërshtim me dispozitat e kësaj urdhërese, do të gjobiten në shumën prej 100 euro”, thuhet, ndër të tjera, në vendimin e kryetarit të Komunës, Alban Hyseni”./teve1.info/

Kujtojmë që vitin e kaluar mjetet piroteknike kanë qenë të ndaluara edhe në Podujevë.