Rama e Tërnava inspektojnë punimet në ndërtimin e Xhamisë Qëndrore

Kryetari i Prishtinës, Përparim Rama dhe myftiu i Bashkësisë Islame të Kosovës, Naim Tërnava kanë inspektuar nga afër punimet që po bëhen në Xhaminë Qëndrore.

Kështu ka bërë të ditur vetë i pari i Prishtinës me anë të një postimi në rrjetin social facebook.

“Bashkë me Myftiun Naim Tërnava, inspektuam punimet në Xhaminë Qendrore”, ka shkruar Rama.

Leja e ndërtimit për Xhaminë Qendrore të Prishtinës është lëshuar nga data 13 qershor e vitit 2022.

Kjo leje u lëshua nga Drejtoria e Urbanizmit të Komunës së Prishtinës, pas kërkesës së Bashkësisë Islame të Kosovës.

Më 8 tetor të vitit 2012 u vu gurthemeli i Xhamisë Qendrore në Prishtinë.