Kryetari merr vendim të rëndësishëm për banorët e Podujevës
Kryetari i komunës së Podujevës, Shpejtim Bulliqi, ka marrë vendim që të ndaloj përdorimin e mjeteve piroteknike në sheshe, rrugë, tregje dhe hapësira tjera publike.
Ky lajm është bërë publik nga faqja zyrtare e Komunës së Podujevës.
Sipas urdhëresës së lëshuar nga Komuna, e njëjta vlen për periudhën 22 dhjetor 2022 deri më 03 janar 2023.
“Personat të cilët veprojnë në kundërshtim me dispozitat e kësaj urdhërese do të gjobiten në përputhje me rregullativën ligjore në fuqi.
Për zbatimin e kësaj urdhërese kujdeset Drejtoria e Inspeksionit”, thuhet në urdhëresën e lëshuar nga Komuna e Podujevës.
Ky veprim ishte marrë edhe në vitet paraprake.
Kujtojmë që përveç Komunës së Podujevës, tashmë ky vendim është marrë edhe në Komunën e Gjilanit.
