Caktohet varrimi i Admir Setës nga Podujeva që vdiq në aksident në Gjermani

Admir Seta, 41 vjeçar nga Podujeva, vdiq të premten e kaluar në Gjermani në një aksident trafiku.

Ai humbi jetën së bashku edhe me një mërgimtar tjetër llapjan.

Ata u goditën nga treni teksa po kalonin hekurudhën.

Sipas një njoftimi, varrimi i Setës do të bëhet nesër në ora 13:00.

Varrimi do të bëhet në varrezat e fshatit Obrançë.

“Njoftim mortor.

Të nderuar miq, familjarë e farefis, me rastin e vdekjes së familjarit tonë, Admir Seta, ju njoftojmë që nesër, ditë e premte, me datë 23.12.2022 – në ora 13:00 do të bëhet varrimi në varrezat e fshatit Obrançë në Podujevë”, thuhet në njoftim.