Komuna e Podujevës merr një vendim për mërgimtarët
Komuna e Podujevës ka vendosur që të lëshojë parkingun e komunës për mërgimtarët e Podujevës.
Kështu ka njoftuar vetë Komuna e Podujevës, nëpërmjet një postimi në rrjetin social, Facebook.
Njoftimi i plotë:
Meqenëse jemi në prag të festave të fundvitit, Komuna e Podujevës duke u uruar mirëseardhje bashkatdhetarëve tanë, do të liroj hapësirën në pjesën e përparme brenda oborrit të ndërtesës së re të Komunës për shfrytëzimin e parkingut të automjeteve me targa të huaja nga bashkatdhetarët të cilët qëndrojnë për pushime në Komunën e Podujevës, dhe jo vetëm.
Periudha e shfrytëzimit të parkingut vlen nga 24 dhjetor 2022 deri më 10 janar 2023.
Për të gjithë mërgimtarët rrugë të mbarë dhe pushime të këndshme në vendlindje.
Kujtojmë që edhe vitin e kaluar është marrë vendimi i njëjtë nga Komuna e Podujevës.
