Bulliqi: Ky projekt në Podujevë është i pari që realizohet në një QKMF në nivel vendi
Kryetari i komunës së Podujevës, Shpejtim Bulliqi, ka bërë të ditur sot se është digjitalizuar rëntgeni në QKMF-në e qytetit dhe në QMF-në e Kërpimehit.
Në një postim në Facebook, Bulliqi ka thënë se ky projekt, sipas tij, është i pari që realizohet në një QKMF në nivel vendi.
Postimi i plotë:
Digjitalizohet rëntgeni i QKMF-së
Bashkë me drejtoreshën e Shëndetësisë, Adelina Stublla dhe ud drejtorin e QKMF-së Bajram Bajgora kemi përuruar projektin e digjitalizimit të rëntgenit në QKMF dhe në QMF-në e fshatit Kërpimeh, projekt ky në vlerë 70 mijë euro i financuar nga Komuna e Podujevës.
Digjitalizimi nuk është kufizuar vetëm në radiologji por është zgjeruar edhe në: Emergjencë, Mjekësi familjare, QMF Lluzhan, Orllan e Kërpimeh. Ky projekt është i pari që realizohet në një QKMF në nivel vendi.
Me një projekt të tillë lehtësohet dhe shpejtohet qasja e profesionistëve në imazheri dhe përshpejtohet shërbimi për qytetarët, njëkohësisht kemi imazh shumëfish më të qartë dhe kosto më të ulët të shpenzimeve për shkak të kursimit të filmave radiologjik.
