Ky është personi që u gjet pa shenja jete (FOTO)
Një ngjarje e rëndë ka ndodhur sot rreth orës 13:30 buzë liqenit në fshatin Livoç i Epërm i Gjilanit, ku një person është gjetur pa shenja jete, raporton Gazeta Sinjali.
Sinjali mëson se viktima është 51-vjeçari, Ragip Byqmeti.
Sipas informacioneve të para, ai dyshohet se i ka dhënë fund jetës së tij.
Në vendin e ngjarjes kanë dalë njësitë policore bashkë me ekipin mjekësor të Emergjencës.
Pas ekzaminimeve për shenjat vitale, mjeku ka konstatuar se viktima ka ndërruar jetë.
Burimet e Gazetës Sinjali kanë bërë me dije se në vendngjarje pranë trupit të pajetë të 51-vjeçarit janë gjetur dy armë zjarri, të cilat janë sekuestruar në cilësinë e provave materiale.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti është cilësuar ‘Vdekje e dyshimtë’.
