LAJMI I FUNDIT: Policia reagon ndaj raportimeve për shkëmbim zjarri në Zubin-Potok

Policia e Kosovës ka reaguar pas raportimeve se njësitet speciale janë sulmuar nga serbët në Zubin-Potok.

Përmes një njoftimi në faqen zyrtare, policia ka bërë të ditur se nuk ka pasur sulm ndaj Policisë së Kosovës dhe as shkëmbim zjarri, shkruan lajmi.net.

“Referuar pyetjeve të shumta adresuar Policisë së Kosovës se, a është sulmuar Policia në Zubin Potok, apo a ka pas shkëmbim të zjarrit mes Policisë dhe grupeve kriminale?

Ju informojmë se; Nuk ka pasur ndonjë sulm ndaj Policisë së Kosovës, e as nuk ka pasur ndonjë shkëmbim zjarri mes Policisë së Kosovës, apo ndonjë grupi.

PK-ja nuk ka pasur shkëmbim zjarri ndaj askujt”, thuhet në njoftimin e policisë.

Kujtojmë se rreth raportimeve nga mediat serbe se qytetarët në veri kanë sulmuar KFOR-in dhe Policinë e Kosovës kanë reaguar edhe nga Presidenca e Republikës së Kosovës.

Nga Presidenca kanë mohuar të gjitha raportimet duke thënë se mediat serbo-ruse po mundohen të nxisin konflikt të armatosur në Kosovë. /Lajmi.net/