Katër të vdekur dhe disa të plagosur pas përplasjes së dy helikopterëve

Një përplasje në ajër mes dy helikopterëve në Australi ka lënë katër persona të vdekur dhe tre të tjerë në gjendje kritike, thanë autoritetet të hënën.

Përplasja ka ndodhur rreth orës 14:00. koha lokale pranë brezit të njohur turistik të Main Beach në Gold Coast, në jug të Brisbane, raporton CNN.

“Këta dy avionë, kur u përplasën, u rrëzuan në bregun e rërës, pikërisht jashtë Sea Ëorld Resort”, u tha gazetarëve inspektori i policisë së Queensland, Gary Ëorrell, një oficer rajonal i detyrës për rajonin juglindor.

Ai shtoi se kishte qenë e vështirë për shërbimet e urgjencës të hynin në bregun e rërës, i vendosur jo shumë larg bregdetit.

Trembëdhjetë persona ishin në dy helikopterë, sipas Jayney Shearman, nga Shërbimi i Ambulancës në Queensland (QAS). Prej tyre, katër persona vdiqën, tre pësuan lëndime të rënda dhe gjashtë kishin lëndime të lehta, duke përfshirë prerje nga xhamat e thyer.

Të gjithë të plagosurit janë dërguar në spital, tha ajo.

Fotot nga vendi tregojnë mbeturinat e shtrira në një rrip rëre, me personel të mbledhur në tokë dhe anije të shumta në ujërat përreth.

Worrell tha se megjithëse është shumë herët për të përcaktuar shkakun e saktë të aksidentit, hetimet fillestare sugjerojnë se njëri helikopter ishte ngritur dhe tjetri ishte ulur kur u përplasën.

Një helikopter “i është hequr xhami i përparmë dhe është ulur i sigurt në ishull. Tjetri (helikopteri) është rrëzuar dhe ka qenë me kokë poshtë”, tha ai.

Ai shtoi se pas rrëzimit, policia aty pranë dhe pjesëtarë të publikut nxituan në vendngjarje, duke u përpjekur të largonin dhe të jepnin ndihmën e parë për ata që ishin brenda helikopterit.