Një veturë me pasagjerë rrotullohet e bie në Ibër, policia e zhytësit nisen për ndihmë

Një veturë me disa pasagjerë brenda është rrotulluar dhe ka rënë në lumin Ibër pak më parë në veri të vendit në Zubin Potok, njofton “Mitropol”.

Ekipet policore nga stacioni jugor i Mitrovicës bashkë me zhytës nga klubi i zhytjes “Trepça” tashmë ndodhen rrugës për t’u dalë në ndihmë personave që kanë rënë me veturë në ujërat e Ibrit.

Në vendin e ngjarjes tashmë ndodhen ekipi i zjarrëfikësve dhe ekipi i shëndetësisë me auto-ambulancë.

Dyshohet që në veturë të jenë një deri në dy pasagjerë, gjersa vet serbët kanë telefonuar Policinë e Kosovës për t’u dalë në ndihmë personave të ngujuar brenda makinës./Mitropol/