LAJMI I FUNDIT: Vdes personi që ra me veturë mbi lum

Trupi i pajetë i një personi i cili mbrëmë pati një aksident trafiku në territorin e komunës së Zveçanit sapo është nxjerrë nga lumi Ibër.

Komandanti i stacionit të zjarrfikësve në Zveçan, Vladan Radomiroviq, ka konfirmuar mëngjesin e sotëm për KoSSev se aksidenti trafiku ka ndodhur mbrëmë afër Srbovacit afër deponisë së re, kur vetura e një personi ka rënë në Ibër, përcjell Jepi zë.

Radomiroviq na tha se gjatë gjithë natës kanë qenë të angazhuara të gjitha ekipet e zjarrfikësve dhe se trupi i pajetë është gjetur sot në mëngjes.

Trupi i pajetë është nxjerrë nga lumi dhe po transportohet në pjesën veriore të Mitrovicës, tha Radomiroviq.

Në vendngjarje ka dalë edhe mjeku ligjor, poashtu edhe zjarrfikësit kanë nxjerr makinën nga lumi.

Sipas disa qytetarëve , i vdekuri ishte një person ne moshë të re.

Për identitetin e të ndjerit do të ju mbajmë të informuar.