Aksion për largimin e taksive ilegale në Podujevë

Sot ka filluar aksioni për largimin e taksive ilegale që operojnë në rrugën Podujevë – Prishtinë.

Kështu është bërë e ditur me anë të një postimi nga faqja zyrtare e Komunës së Podujevës.

Më poshtë postimi:

Nga sot ka filluar aksioni i Drejtorisë së Inspeksionit me asistimin edhe të Policisë së Kosovës, për largimin e taksive ilegal që operojnë në rrugën Podujevë- Prishtinë.

Aksioni ka për qëllim lirimin e hapësirave publike dhe sigurinë e transportit të udhëtarëve.

Drejtoria e Inspeksionit do të vazhdojë në mënyrë permanente këtë aksion deri sa të bëhet lirimi i plotë i hapësirave publike nga taksitë ilegal, ndërsa aksioni do të zgjerohet edhe në lokacionet e tjera për të ndaluar dukurinë e taksive ilegal.

Në rast të mosrespektimit të vendimeve nga ana e Drejtorisë së Inspeksionit dhe ligjeve në fuqi ndaj tyre do të shqiptohen gjoba kundërvajtëse dhe do të konfiskohen veturat siç e parasheh ligji i transportit rrugor.