Një i ri është arrestuar mbrëmjen e 26 gushtit në Podujevë, pasi gjatë një kontrolli policor iu gjetën substanca narkotike dhe armë e ftohtë, raporton PodujevaSot.net.

Sipas burimeve nga organet e hetuesisë, rreth orës 22:20, një veturë u ndalua nga njësitë policore dhe gjatë kontrollit të saj, tek shoferi u gjet një thikë dhe një sasi narkotiku që dyshohet të jetë marihuanë (0.90 gram), e cila ishte e fshehur në automjet, raporton PodujevaSot.net.

Sendet e dyshimta janë sekuestruar ndërsa personi është shoqëruar në stacionin policor. Me urdhër të Prokurorisë, ndaj tij janë iniciuar rastet për “Mbajtje në pronësi, kontroll ose posedim të paautorizuar të armëve” dhe “Posedim i paautorizuar i narkotikëve, substancave psikotrope ose analoge”.

Hetimet mbi rastin po vazhdojnë. Personi i përmendur konsiderohet i pafajshëm derisa fajësia e tij të vërtetohet me vendim të formës së prerë nga gjykata.