Sulmuesi i njohur nga Podujeva, Ardit Tahiri, ka zyrtarizuar vazhdimin e karrierës së tij në Finlandë, ku ka firmosur me klubin më të madh të këtij vendi, HJK Helsinki, raporton PodujevaSot.net.

Transferimi i Tahirit u konfirmua të martën, me marrëveshjen që e sheh atë të largohet nga KF Llapi në formë huazimi deri në fund të këtij viti kalendarik.

Në njoftimin e klubit llapjan thuhet se ky vendim është marrë për t’i dhënë lojtarit mundësinë të bëjë një hap para në karrierë, ndërsa edhe vetë Llapi përfiton financiarisht nga kjo marrëveshje dhe ruan një përqindje të kartonit të tij për një transferim të mundshëm të përhershëm, raporton PodujevaSot.net.

Ardit Tahiri iu bashkua Llapit nga Dinamo City sezonin e kaluar dhe shkëlqeu me 19 gola e 4 asistime në 44 paraqitje. Klubi llapjan e ka falënderuar për kontributin dhe i ka uruar suksese në aventurën e re me kampionët e Finlandës.

“KF Llapi ka vendosur të mos e pengojë futbollistin për të bërë hap para në karrierë, duke përfituar edhe financiarisht nga huazimi dhe eventualisht nga transferimi i përhershëm, duke mbajtur poashtu një përqindje në kartonin e tij. Tahiri u bashkua me Llapin nga Dinamo City gjatë sezonit të kaluar dhe dha një kontribut të jashtëzakonshëm: 19 gola dhe 4 asistime në 44 paraqitje zyrtare. KF Llapi e falënderon përzemërsisht Arditin për përkushtimin dhe kontributin e dhënë si bardhekaltër dhe i uron shumë suksese në sfidat e reja te klubi i ri.”, ka njoftuar Llapi.