Sot seanca fillestare e cila parashihej të mbahej për vrasjen e Liridona Ademajt, është shtyer, shkruan Gazeta Infokus.

Menjëherë pas shtyrjes së kësaj seancë i akuzuari Naim Murseli është rikthyer në burg.

Ekipi i Gazetës Infokus të cilët po qëndrojnë atje, kanë siguruar pamje të momentin ku Murseli shihet me këmbë e duar të prangosura.Shtyrja e seancës erdhi pas kërkesës së avokatëve e ku do të mbahet me 31 janar.

Kujtojmë që Liridona Ademaj është vrarë më 29 nëntor të vitit 2023.Rasti i vrasjes së 39-vjeçares, fillimisht ishte hetuar si “grabitje me pasoja vrasje”, por hetimet intensive kishin rezultuar me arrestimin e tre personave, ku Murseli, konsiderohet si koka prapa krimit tronditës.

Disa orë para se të vritej Liridona Ademaj, i dyshuari për rastin e organizimit të vrasjes së gruas së tij, Naim Murseli ishte takuar me të dyshuarin Kushtrim Kokalla duke i thënë “sot duhet të kryhet kjo punë”, duke aluduar në vrasjen e Ademajt.

Sipas dosjes së Prokurorisë, takimi kishte ndodhur në një qendër në Gjakovë në ora 9:30 minuta në mëngjes.Ky takim kishte ndodhur si rrjedhojë e një takimi rreth një javë para natës kritike, ku Murseli i kishte treguar Kokallës lidhur me “problemet bashkëshortore që është duke pasur me të ndjerën.”

“Kokalla ishte munduar t’i bëjë zgjidhje Murselit duke i thënë ‘unë ta zgjidhi këtë punë”- thuhet në dosje./Gazeta Infokus/