Një ngjarje e rëndë ka ndodhur në një familje nga Peja.

Një 38-vjeçar ka vdekur në Qendrën Klinike dhe Universitare të Kosovës.

Ai ishte sjellë nga Spitali Rajonal i Pejës, për të marrë në trajtim.

Klankosova.tv mëson se burri në fjalë ishte në gjendje tejet të rëndë shëndetësore.

Tanimë i ndjeri kishte pasur probleme me organet e frymëmarrjes.

Sipas burimeve të Klankosova.tv i njëjti si pasojë e gjendjes së rëndë shëndetësore nuk kishte reaguar ndaj asnjë terapie të ofruar nga mjekët.

“Tek ne është sjellur në gjendje të rëndë shëndetësore. Ka pasur probleme me organet e frymëmarrjes, infeksion i thellë që e ka çuar në Sepsë”, i tha ky burim Klanit.

“Shkaku i gjendjes së rëndë e lajmëruam edhe policinë, sepse nuk reagojë absolutisht në asnjë terapi dhe tretman të ofruar. Policia rekomandojë edhe dërgimin e trupit për obduksion, ku edhe e kemi dërguar”, theksoi ky burim.

“Sipas informacioneve nga policia ky njihet edhe si përdorues i substancave narkotike, por nuk mund ta konfirmoj”.

Klankosova.tv ka pyetur edhe në polici lidhur me rastin, por deri në momentin e publikimin e lajmit nuk ka marrë përgjigje.