Një zjarr i madh ka shpërthyer në një objekt në qytetin e Lipjanit pasditen e së martës. Sipas një njoftimi nga Policia, incidenti ka ndodhur rreth orës 16:30 në rrugën “Ibrahim Rugova”, raporton Gazeta Sinjali.

Në vendngjarje kanë dalë menjëherë forcat e policisë dhe zjarrfikësit, të cilët po merren me rastin. Policia ka njoftuar se, bazuar në të dhënat fillestare, raportohet vetëm për dëme materiale dhe nuk ka viktima.

“Sot rreth orës 16:30, kemi pranuar informatën për një incident zjarri në një objekt në rrugën Ibrahim Rugova në Lipjan.

Menjëherë në vendin e ngjarjes kanë dalë policia dhe zjarrfikësit të cilët po merren me rastin.

Bazuar në të dhënat fillestare raportohet vetëm për dëme materiale”, tha për Sinjalin, zëdhënësja e policisë për rajonin e Prishtinës, Flora Ahmeti.