Blog

Një qytetare nga Tirana ka denoncuar një rast të pazakontë që lidhet me cënimin e privatësisë dhe përhapjen e qëllimshme të numrit të saj të telefonit pa aprovim.

Sipas saj, pas një konflikti personal me një grua të identifikuar si O.D., 33 vjeç, me origjinë nga Berati dhe banuese në zonën e Laprakës, ka nisur një valë telefonatash shqetësuese nga persona të panjohur në WhatsApp.

Në denoncimin e saj, qytetarja tregon se gjithçka nisi pasi i kishte treguar 33-vjeçares se burri i saj e kishte ngacmuar.

Sipas denoncueses, në vend që të përballej me të vërtetën, ajo vendosi të hakmerrej duke shpërndarë numrin e saj të telefonit në mënyrë të qëllimshme në platformën e njohjeve online, Azar.

“Ka dhënë numrin tim te shumë persona të panjohur në Azar, vetëm që të më shkruajnë dhe të më shqetësojnë. Më kanë sharë dhe më kanë bezdisur. E gjitha sepse i thashë të vërtetën. Kur s’kanë ç’i bëjnë gomarit, i bien samarit,” – shkruan ajo, ndërsa shton se së shpejti do të bëjë kallëzim edhe në polici.

Si provë të ngacmimeve, ajo ka sjellë një foto ku duken qartë disa prej numrave të huaj që e kanë kontaktuar në mënyrë të përsëritur.

“Faleminderit nëse e publikoni këtë rast, sepse më ka rënë në qafë pa të drejtë,” – përfundon ajo.