Një incident është regjistruar pasditen e sotme në lagjen në Mitrovicë të Jugut, ku ka pasur të shtëna me armë zjarri gjatë një ahengu familjar në rrugën “Bedri Gjinaj”.

Gazeta Sinjali mëson se i arrestuari është Burhan Azemi, 30-vjeçar, i cili dyshohet se ka shtënë me armë zjarri në ajër gjatë një ahengu familjar.

Pasi u identifikua nga njësitë hetimore, Azemi u vetëdorëzua në polici dhe me vendim të prokurorit kujdestar është dërguar në mbajtje për 48 orë.

Ndaj tij është iniciuar rasti për “Mbajtje në pronësi, kontroll ose posedim të paautorizuar të armëve” dhe “Përdorim i armës apo mjetit të rrezikshëm”.

Hetimet po vazhdojnë.

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.