Sonte u raportua për një plagosje në Vushtrri, si pasojë e së cilës një i ri po merr trajtim mjekësor në QKUK.

Burimet e Gazetës Sinjali brenda urgjencës bëjnë me dije se i plagosuri është Fatmir Voca, i cili punonte si roje objekti në një pronë të familjes Gerbeshi.

Sipas informatave që siguroi Sinjali, Voca ka pësuar plagë në kokë dhe në kraharor, ndërsa gjendja e tij shëndetësore është përkeqësuar. Ai është dërguar me urgjencë në QKUK – Prishtinë, ku po trajtohet nën kujdesin e mjekëve specialistë.

Rreth orës 21:00, rasti ishte raportuar fillimisht nga Urgjenca e Vushtrris, ku u tha se një person mashkull ishte paraqitur me plagë të shkaktuara nga armë zjarri.

Në vendin e ngjarjes kanë dalë njësitë e NJRSH-së dhe Hetimeve Rajonale, të cilat janë duke zhvilluar hetime intensive për të ndriçuar motivin dhe rrethanat e sulmit të armatosur.

Pamje nga zona në Gojbulë ku ndodhi plagosja të siguruara nga Veriu.info: