Asociacioni i Gazetarëve të Kosovës (AGK) ka reaguar ashpër pas një incidenti që përfshiu kryetarin e Prishtinës, Përparim Rama, dhe gazetaren e “Reporterit”, Leonora Kolukaj.

Në një reagim zyrtar, AGK-ja ka thënë se e cilëson të papranueshme sjelljen dhe gjuhën e përdorur nga Rama në drejtim të gazetares, gjatë një përpjekjeje për të marrë përgjigje para një konference për media.

“Gazetarja ka provuar t’i bëjë pyetje zotit Rama para një konference shtypi, dhe ka hasur në sjellje të papërshtatshme të tij dhe stafit.

Rama dëgjohet duke e quajtur “loçkë”, gazetaren, një gjuhë e përsëritur e tij me tone seksiste ndaj gazetareve gra.

Ndërkohë, gjithashtu gazetarja shtyhet fizikisht nga ekipi i tij”, thuhet në reagimin e AGK-së.