Prokuroria Themelore në Prizren – Departamenti i Krimeve të Rënda ka ngritur sot aktakuzë ndaj dy zyrtarëve komunalë të Prizrenit.

Gazeta Sinjali merr vesh ekskluzivisht se akti i akuzës është ngritur ndaj të dyshuarve: Pranverim Berisha dhe Egzona Thaçi.

Gazeta Sinjali ka arritur ta sigurojë një fotografi të Berishës, por jo edhe të Thaçit.

Dyshja, dyshohen se në bashkëkryerje kanë kryer veprën penale të “Keqpërdorimit të pozitës apo autoritetit zyrtar”.

Në njoftim thuhet se, “i pandehuri i parë P.B., në cilësinë e drejtorit të DUPH, edhe pse ka pasur njohuri se kompleksi ‘Saraji i Vjetër’ është në mbrojtje të përhershme si monument kulturor, nuk e parandalon rrënimin e tij”.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.