Bedri Hamza nga Partia Demokratike e Kosovës ka prezantuar listën e kandidatëve të PDK-së për Asamblenë Komunale në Mitrovicë, për zgjedhjet e 12 tetorit.

Ai theksoi se lista përfaqëson denjësisht çdo lagje, çdo fshat dhe çdo qytetar, me emra që sipas tij kanë integritet, përvojë dhe profesionalizëm.

Hamza vlerësoi edhe kandidatin e PDK-së për kryetar të Mitrovicës, Arian Tahiri—i cili në këtë mandat ka shërbyer si nënkryetar—duke theksuar se Mitrovica duhet të udhëhiqet prej tij.

“Lista e kandidatëve të PDK-së në Mitrovicë përfaqëson denjësisht çdo lagje, çdo fshat, çdo grupmoshë dhe çdo qytetar. Mitrovica duhet të udhëhiqet nga Arian Tahiri.”