Një rast i rëndë është raportuar mbrëmjen e 15 gushtit 2025 në rrugën “Arben Hajdaraj” në fshatin Shaptej të Deçanit, ku një e mitur 16-vjeçare me të meta ka qenë viktimë e një tentim rrëmbimi.

Sipas të dhënave të para, vajza është kapur me forcë nga një person i panjohur pranë shtëpisë së saj dhe është futur në një automjet, me të cilin i dyshuari ishte larguar në drejtim të “Sukës së Biteshit”.

Familjarët dhe dëshmitarët, të alarmuar nga skena, i janë vënë pas automjetit dhe kanë arritur ta ndalin, duke e nxjerrë vajzën dhe duke e dërguar në shtëpi të sigurt, ndërkohë që i dyshuari ka arritur të arratiset.

Policia ka dalë menjëherë në vendngjarje, ku rreth 3 kilometra larg ka gjetur automjetin e braktisur, të cilin e ka sekuestruar përkohësisht.

Për rastin është njoftuar prokurori kujdestar për të mitur, ndërsa hetimet po vazhdojnë për identifikimin dhe arrestimin e autorit.