Një ngjarje e rëndë është raportuar sot në afërsi të fshatit Çerkolez të Istogut, ku një burrë është gjetur i vdekur brenda automjetit të tij.

Burime të Sinjalit bëjnë me dije se viktima është Përparim Mula, 41-vjeçar, i cili është gjetur pa shenja jete në veturën e tij të tipit Mercedes 250, ngjyrë e kaltër, pranë së cilës është gjetur edhe arma e zjarrit.

Policia dhe autoambulanca kanë dalë menjëherë në vendin e ngjarjes, ku mjeku kujdestar ka konstatuar vdekjen e tij.

Hetimet rajonale dhe krimteknika po punojnë për zbardhjen e plotë të rastit, ndërsa dyshohet se bëhet fjalë për vetëvrasje.