Një ngjarje e rëndë ka ndodhur sot në Skenderaj, ku një i ri ka rënë nga lartësia e një ndërtese banesore.

Burimet e Sinjalit bëjnë të ditur se bëhet fjalë për Fidan Mulajn, 27-vjeçar nga fshati Runikë, i cili jeton në rrugën “17 Shkurti” në Skenderaj. Ai dyshohet se ka rënë nga kati i 8-të i banesës, nga ballkoni, duke përfunduar në tokë.

I riu është dërguar me urgjencë në QKMF Skenderaj, ku po i jepet ndihma e parë. Aktualisht ai është me shenja jete, por ndodhet në gjendje të rëndë shëndetësore.

Në vendin e ngjarjes kanë dalë njësitë patrulluese të Policisë, ndërsa hetimet po vazhdojnë për të sqaruar rrethanat.