Arrestohen dy persona në Podujevë
Dhuna në familje po vazhdon të mbetet njëra nga dukuritë më shqetësuese në vend.
Si pasojë e dhunës në familje, janë arrestuar dy persona, të cilët e kanë sulmuar fizikisht një grua.
Arrestimi i tyre është bërë gjatë ditës së djeshme në qytetin e Podujevës.
Prokurori i Shtetit ka urdhëruar inicimin e rastit ndaj të dyshuarve për veprat “Dhunë në familje” dhe ‘Lëndim i lehtë trupor’ dhe të njëjtit janë dërguar në mbajtje.
