“Qoftë i pranuar Namazi dhe lutjet tona”, Pacolli publikon foto nga Xhamia
Ish kandidati për kryetar të Prishtinës, Selim Pacolli, sot gjatë ditës ka publikuar një foto nga një prej Xhamive të vendit.
Me anë të këtij postimi ai ka thënë që sot është një ditë më e veçantë se të gjitha ditët tjera. Pas publikimit të kësaj fotoje, reaguan disa nga portalet duke thënë që kjo foto vjen pikërisht pas debateve të djeshme në Kuvendin e Kosovës.
Këtë gjë menjëherë e mohoi Pacolli, duke thënë që kjo nuk është hera e parë që ai publikon foto nga Xhamia.
“Nuk ka Zot tjetër pos Krijuesit të çdo gjëje, në dhe mes tokës e qiellit! Nuk lindë e as nuk vdes asgjë pa lejen e tij! Sot, është ditë e veçuar nga ditët e tjera të javës! Qoftë i pranuar ky Namaz dhe lutjet tona, inshaAllah”, thuhet në postimin e Pacollit.
