Aksident i rëndë trafiku (FOTO)

Një aksident trafiku ka ndodhur në magjistralen Prishtinë-Mitrovicë, repektivisht në afërsi të fshatit Mazgit.

Lajmin për Gazeta10 e ka bërë të ditur zëdhënësi i policisë, Agron Borovci.

Sipas tij katër persona janë lënduar në këtë aksident ku kanë qenë të përfshirë pesë automjete një nga to veturë zyrtare e policisë.

“Rreth orës 07:00, është raportuar për një aksident të ndodhur në rrugën magjistrale Prishtinë-Mitrovicë respektivisht në afërsi të fshatit Mazgit.

Në aksident janë përfshirë pesë automjete, një nga to veturë zyrtare e policisë.

Deri më tani bëhet e ditur se, si pasojë e aksidentit, katër persona kanë pësuar lëndime trupore dhe të njëjtit kanë marrë trajtimin e nevojshëm mjekësor, përderisa janë shkaktuar dhe dëme materiale.

Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”./Gazeta10