Gjobitet 300 euro për tejkalim të shpejtësisë

Policia Rajonale e Komunikacionit Rrugor në Ferizaj, mbrëmë rreth orës 22:00 në rrugën magjistrale Ferizaj – Shtime, në fshatin Lloshkobare,  ka ndaluar shoferin A.L i moshës 19 vjeçare,  i cili ka bërë tejkalimin se shpejtësisë, ku në zonën e kufizimit 50 km/h ka zhvilluar shpejtësi 119 km/h.

Në lidhje me këtë policia sipas ligjit të komunikacionit rrugor, i shqiptuar  gjobë prej 300 euro, 3 pikë negative dhe tre muaj masë mbrojtëse, heqje e patentë shoferit.

Me këtë rast, Drejtoria Rajonale e Policisë në Ferizaj apelon tek shoferët e automjeteve që të respektojnë shenjat e komunikacionit.

“Veprimet e tilla rrezikojnë direkt jetën e pjesëmarrësve në komunikacion dhe fton qytetarët të bashkëpunojnë me policinë”, thuhet në njoftimin e policisë.

Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.

Të dhënat e juaja do të ruhen në konfidencialitet të plotë./Indeksonline/