Podujevë: Shpërndahen 500 pako ushqimore

Shpërndahen 500 pako ushqimore për familjet nevojtare për festën e Bajramit.

Gjatë kësaj jave për nder të festës së Fitër Bajramit janë shpërndarë 500 pako ushqimore për familjet me gjendje jo të mirë ekonomike nga Komuna e Podujevës.

300 pako nga organizata “Qatar Charity”, 100 nga shoqata “Jetimat e Ballkanit” dhe 100 nga kompania “Festimi Tours”.

Përzgjedhja dhe ndarja e pakove ushqimore është bërë nga drejtoria e Shëndetësisë dhe Mirëqenies Sociale, në bazë të regjistrave që posedon kjo drejtori për familjet me gjendje të rëndë ekonomike dhe në asistencë sociale.

Kryetari i Komunës, Shpejtim Bulliqi, falënderon të gjithë donatorët të cilët po kontribuojnë në vazhdimësi në ndihmë për familjet në nevojë.