LAJMI I FUNDIT: Të shtëna me armë zjarri, plagoset një person
Para disa orësh, në Skenderaj janë dëgjuar të shtëna me armë zjarri, ku për pasojë një person ka mbetur i plagosur. I dyshuari ka rënë në prangat e Policisë, teksa akoma nuk dihen motivet e rastit, raporton Gazeta Sinjali.
Lajmin e ka bërë me dije zëdhënësi i Policisë së Kosovës për rajonin e Mitrovicës, Avni Zahiti, i cili tha se i plagosuri është dërguar për tretman mjekësor.
Zahiti po ashtu ka bërë të ditur se arma që dyshohet të jetë përdorur është sekuestruar.
“Rreth orës 20:30, Policia në Skënderaj ka pranuar informatën për një person të plagosur nga arma e zjarrit, viktima është dërguar në tretman mjekësor. Lidhur me rastin policia ka arrestuar të dyshuarin si dhe ka sekuestruar një armë pistoletë. Hetuesit policor po vijojnë hetimet e mëtejme”, tha Zahiti.
