Barcelona të interesuar për sulmuesin e Chelsea

Barcelona po përgatitet për transferimet e afatit kalimtar të verës. Klubi i ka renditur disa prioritete në të cilat kanë nevojë për përforcime.

Njëri nga prioritetet kryesore të klubit mbetet transferimi i një sulmuesi, sidomos i një sukmuesi natyral 9. Me 34 vjeçarin, Lewandowskin, Barça ndihet e ‘rrezikuar’ dhe për këtë gjë po shqyrtojnë shumë opsione.

Siç raporton gazeta katalunase ‘SPORT’, Joao Felix është emri më i përfolur për përforcimin në sulm. Felix ishte i huazuar te Chelsea por nuk kishte sukses, ai në këtë verë ndoshta nuk do të kthehet fare te Altetico dhe sezoni i ardhshëm portugezin do ta gjejë me një klub të ri.

Kjo nuk është hera e parë që Barcelona interesohet për Felixin, pasi që Barça u përpoq të shkëmbente Griezmannin me Felixin, por Atletico refuzoi.

Nëse dështon transferimi i Felix te Barcelona, klubi ka menduar edhe tjera zgjidhje si Vitor Roque apo Aubameyang. Por fillimisht, La Liga duhet ta miratojë planin e fizibilitetit të Barcelonës, për të kryer transferime të reja.