Te Barcelona besojnë shumë që do të marrin përgjigje pozitive nga La Liga për gjendjen financiare

Tani e një kohë, Barcelona po vuan nga gjendja financiare në klub. Për shkak të pagave të larta të klubit, Barça ende nuk ka marrë dritën e gjelbër nga La Liga për transferime.

Barcelona kishte një krizë financiare vitin e kaluar dhe aktivizimi i levave ekonomike i lejoi klubit transferimin e Lewandowskit, Kounde, Aubameyang, Alonso e disa lojtarëve të tjerë.

Tani kjo gjendje financiare në të cilën gjendet Barça mund edhe të mos i lejojë klubit transferimin e Messit. Barcelona në krye ka një ekspert si Mateu Alemany dhe ai është duke bërë të pamundurën për të rregulluar qëndrueshmërinë financiare.

Me largimin e Pique, Busquets dhe Alba, Barcelona do të kursejë miliona euro, por gjithashtu edhe me mbylljen e Barça TV. Laporta po mendon edhe largimin e disa lojtarëve tjerë.

Te Barça janë shumë optimistë që javën e ardhshme do ta marrin dritën e gjelbër për transferime dhe njëri nga transferet më të çmendura mund të jetë rikthimi i lojtarit më të mirë të historisë së futbollit në Camp Nou.