Emocionet e takimit të Klintonit llapjan me atë të Amerikës (VIDEO)
Shtëpinë e tij shumë pak e dinë.
Por, për emrin e tij ka dëgjuar e gjithë bota.
Është ky Klinton Bajgora, nga Dobratini i Podujevës.
Tashmë 19 vjeçar, Klintoni nuk e përjetoi luftën e Kosovës.
Por dashuria që e kishte i ati, Hasani, për ish-presidentin amerikan, Bill Clinton, bëri që të birin ta emërtojë me këtë emër.
E me 4 korrik, në ftesën e ambasadës së Shqipërisë në Kosovë, Klintoni i ri udhëtoi për në Tiranë.
Kjo pasi këtu, për vizitë erdhi ish-presidenti i 42-të i Shteteve të Bashkuara të Amerikës.
Por, as ky i fundit nuk e dinte që atë ditë nuk do të ishte Klintoni i vetëm në Tiranë.
Këtu u prit nga shumë Klitonë shqiptarë, që pas luftës u pagëzuan me këtë emër.
Por, jo vetëm Bill Clinton, habitet kur dëgjon emrin e të riut nga Dobratini.
Emrin Klinton, Klintonita e Hillary, e mbajnë plot 38 të ri e të reja nga Kosova.
