LAJMI I FUNDIT: Ndërron jetë 7 vjeçarja që u godit nga vetura

Një aksident i rëndë në trafik që ndodhi të mërkurën e 6 shtatorit në fshatin Rixhevë të Klinës, i shkaktoi lëndime serioze një vajzë të vogël. E mitura që u godit nga një veturë, u dërgua me urgjencë në Qendrën Klinike Universitare të Kosovës, ku po trajtohej deri dje, raporton Gazeta Sinjali.

Sinjali mëson se viktima është një vajzë 7-vjeçare, e cila pavarësisht intervenimit të stafit mjekësor, nuk ka arritur që t’i përballojë plagët e marra dhe si pasojë ka ndërruar jetë mbrëmë.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

PodujevaSot do të ju mbajë të informuar me detajet e reja lidhur me rastin.