Kjo është vajza që vdiq tragjikisht pas aksidentit (FOTO)
Një aksident i rëndë në trafik që ndodhi të mërkurën e 6 shtatorit në fshatin Rixhevë të Klinës, i shkaktoi lëndime serioze një vajze të vogël.
E mitura që u godit nga një veturë, u dërgua me urgjencë në Qendrën Klinike Universitare të Kosovës, ku po trajtohej deri dje.
Ajo nuk arriti që t’i përballojë plagët e marra dhe si pasojë ndërroi jetë mbrëmë, raporton Gazeta Sinjali.
Familjarët e të afërmit e vogëlushes, Arsa Balajt, u mblodhën sot në orën 17:00 në varrezat e fshatit Gllarevë për t’i dhënë asaj lamtumirën e fundit.
Për vdekjen tragjike të nxënës së klasës së dytë, ka dërguar telegram ngushëllimi edhe Drejtoria Komunale e Arsimit në Klinë.
“Në këto momente të rënda për prindërit dhe familjen e Arsës, Drejtoria e Arsimit u bashkohet dhimbjes së tyre dhe u shpreh ngushëllimet më të thella dhe më të sinqerta për vdekjen e bijës dhe mbesës së tyre”, thuhet në postimin e Komunës së Klinës.
