Kapiteni i Llapit rikthehet në fushë pas 10 muajsh

Mbrojtësi i djathtë, Benjamin Emini është rikthyer në ndeshje me ekipin pas më shumë se 10 muajsh mungesë përshkak të rupturës së ligamentit ACL dhe ndërhyrjes kirurgjike në muajin janar.

Emini sot ka zhvilluar ndeshjen e parë të sezonit të ri me ekipin dhe ka luajtur nga minuta e parë me ç’rast edhe ka bartur shiritin e kapitenit.

Rikthimi i Eminit ka ardhur në momentet më vendimtare ku i duhet më së shumti ekipit në vazhdim të sezonit ku janë edhe shumë ndeshje për t’u luajtur.

Kapiteni Emini nuk ka hezituar të shpreh emocionet e tij për rikthimin ku edhe është prononcuar për faqen zyrtare të klubit.

“Njeriu sa të jeton ka sfida. Lëndimi im ishte sfidë por që me ndihmën e Zotit dhe të atyre që më qëndruan afër, u kalua me sukses. Nuk kam se si mos të shpreh gëzimin që po i rikthehem fushës dhe lojës së futbollit që më bën të ndihem i lumtur. Mendoj që jam rikthyer në momentet kur ekipit iu kam deshur më së shumti. Ende nuk jam në formën optimale por shpresoj që gradualisht të kap ritmin e ndeshjeve dhe t’i ndihmoj shokëve t’i arrijmë objektivat e klubit të zemrës, gjithë së bashku”, përfundoi Emini.