Tragjike: Humb jetën një person në Prishtinë, ra nga një ndërtesë
![](https://podujevasot.net/wp-content/uploads/2023/11/IMG_7393.jpeg)
Një ngjarje e rëndë ka ndodhur mëngjesin e sotëm në lagjen Mati 1 në Prishtinë, ku një person ka humbur jetën pasi ka rënë nga lartësia e një ndërtese, raporton Gazeta Sinjali.
Rastin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.
“Sot rreth 09:30, kemi pranuar informatën se në lagjen Mati në Prishtinë, një person ka rënë nga një ndërtesë. Viktimë në këtë rast është një person (mashkull), vdekjen e të cilit e ka konstatuar ekipi mjekësor në vendngjarje. Aktualisht hetuesit policor në koordinim me prokurorinë përkatëse janë duke punuar për të sqaruar të gjitha rrethanat që lidhen me rastin”, ka deklaruar Ahmeti.