Sërish gara me vetura, Policia i gjobit me nga 150 euro shoferët, 21 dhe 24 vjeçar

Policia Rajonale e Komunakacionit Rrugor në Ferizaj mbrëmë rreth orës 22:34 ka marrë informatën se dy persona, 21 dhe 24 vjeçar po bënin gara me vetura në rrugën “Rexhep Bislimi” në Ferizaj, shkruan Reporteri.net.

Në njoftimin e Policisë, ku dhe janë publikuar pamjet, thuhet se ndaj dy shoferëve janë shqiptar gjobat me nga 150 euro dhe 1 pikë negative.

“Me këtë rast, Policia Rajonale në Ferizaj apelon tek shoferët e automjeteve që të respektojnë shenjat dhe rregullat e komunikacionit”, thuhet mes tjerash në njoftim.

Komunikata e plotë e Policisë:

Gjobë ndaj dy shoferëve që bënë gara të shpejtësisë në Ferizaj

Policia Rajonale e Komunakacionit Rrugor në Ferizaj, me datën 19.12.2023 ka paranuar një informatë ( sekuence me video) se në rrugën’’Rexhep Bislmi’’ në Ferizaj, dy shoferët : H.A (M/K) i moshës 24 vjeçar dhe S.A ( M/K) i moshës 21 vjeçar, me veturat e tyre me datën 18.12.2023 rreth orës 22:35 po bënin gara të shpejtësisë, duke rrezikuar pjesëmarrësit tjerë në komunikacion .

Ndaj tyre policia u shqiptoi nga një gjobë kundërvajtëse sipas ligjit të komunikacionit rrugor me dënim 150 euro dhe 1 pikë negative,

Me këtë rast, Policia Rajonale në Ferizaj apelon tek shoferët e automjeteve që të respektojnë shenjat dhe rregullat e komunikacionit.

Veprimet e tilla rrezikojnë direkt jetën e tyre dhe pjesëmarrësve tjerë në komunikacion dhe fton qytetarët të bashkëpunojnë me policinë.

Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.

Të dhënat e juaja do të ruhen në konfidencialitet të plotë.