Bayern dhe PSG kualifikohen tutje në Ligën e Kampionëve

Sonte janë zhvilluar dy ndeshje në kuadër të Ligës së Kampionëve. Ndeshja më interesante e natës ishte ajo e luajtur në Allianz Arena të Gjermanisë.

Bayern Munchen fitoi ndaj Lazios me rezultat 3-0, me dy golat e Harry Kane dhe një gol të Muller. Kujtojmë që ndeshjen e parë të luajtur në Itali e fitoi Lazio me rezultat 1-0, me golin e Immobiles nga pika e bardhë.

Ndërsa në Spanjë, Sociedad humbi nga PSG me rezultat 1-2, me dy golat e Kylian Mbappe. Parisi e fitoi edhe ndeshjen e parë ndaj Real Sociedad, me rezultat 2-0.

Bayern Munchen dhe PSG janë dy ekipet e para që kualifikohen tutje në Ligën e Kampionëve. Ndeshje të kompeticionit më të madh në botë do të ketë edhe nesër dhe javën e ardhshme, ku 6 ekipe tjera do të bashkohen me Parisin e Bayern Munchenin në këtë garë.