Njëri nga mesfushorët më të mirë në histori po bëhet trajner

Për shumë vjet, dyshja Xavi – Iniesta pushtuan botën e futbollit. Pasi fituan gjithçka si futbollistë, tani është koha t’i shohim edhe si trajnerë.

Xavi Hernandez ka disa vjet që ka filluar me punën e trajnerit, ndërsa në fund të këtij sezoni pritet Andres Iniesta të bëhet trajner.

Të paktën kështu kanë raportuar sot gjatë ditës mediat në Spanjë. Ai fillimisht do të bëhet trajner i ekipeve jashtë top 5 ligave evropiane, pastaj pas disa vjetësh do të fillojë rrugëtimin serioz të trajnerit.

Kujtojmë që edhe Xavi filloi kështu. Fillimisht trajner jashtë top 5 ligave, pastaj u bë trajner i Barcelonës, me të cilën arriti ta fitojë La Ligën dhe Super Kupën e Spanjës.