El Clasico – Nesër dy klubet më të mëdha në botë përballen mes vete

Real Madrid e Barcelona nesër përballen në El Clasicon e Javës 32 në La Liga.

Aktualisht madrilenët ndodhen në vendin e parë me 78 pikë, ndërsa Barcelona në vendin e dytë me 70 pikë. Një fitore e Barçës do ta hapte garën për titull, derisa një fitore e Realit i jep fund çështjes së kampionit për këtë vit në La Liga.

Barcelona është kampion në fuqi në La Liga, por ky sezon nuk shkoi aspak mirë për katalunasit pasi u eliminuan në çerekfinale të Ligës së Kampionëve, në kompeticionin të cilin ishin favorit për të kaluar deri në finale.

Ndërsa në anën tjetër, Real Madrid eliminoi klubin më të mirë në botë, Man City, pasi ‘vuajtën’ 120 minuta nga sulmet e anglezëve, por në fund me penallti kaluan në gjysmëfinale.

Në kampin katalunas atmosfera nuk ka qenë e mirë këto ditë, pasi Gundogan në një intervistë tha se për shkak të Araujos, Barça u eliminua nga Liga e Kampionëve. Kjo gjë nuk i pëlqeu fare Araujos, i cili në një intervistë tha se rreth kësaj çështje mendimet do t’i mbajë për vete dhe nuk do t’i tregojë në media.

Por pas kësaj situate brenda klubit ishte Gundogan që rregulloi raportet mes dy lojtarëve. Para stërvitjes së djeshme, Gundogan ftoi Araujon të bisedojnë dhe sqaruan gjithçka që kishin mes vete.

Në ndeshjen e nesërme, Xavi do të bëjë disa ndryshme. Mediat spanjolle raportojnë që Pedri do të jetë rezervë, madje thuhet se startues do të jetë edhe Marcos Alonso.

Madrilenët nuk do të bëjnë rotacione, pritet të fillojnë me 11 që luajtën në Ligën e Kampionëve ndaj Man City.

Ndeshja Klasike mes Realit e Barçës luhet në Santiago Bernabeo, nga ora 21:00 dhe transmetohet në Kujtesa Sport 1 e Super Sport 2 Albania.