Vetura godet babain me dy fëmijë, i dyshuari lirohet nga Policia
Aksidentet e trafikut në rrugët e vendit nuk kanë të ndalur, ku si pasojë përveç dëmeve të shumta, po shkaktohen edhe viktima të shumta, raporton Gazeta Sinjali.
Një rast i tillë ka ndodh edhe sonte në Gjakovë, konkretisht në rrugën “Bardhyl Qaushi”, ku një veturë ka goditur një baba me dy fëmijët e tij, njëri 9-vjeçar dhe tjetri 12-vjeçar.
Gazeta Sinjali mëson se tre viktimat, babai me dy fëmijët janë dërguar për trajtim mjekësor, por më pas janë liruar, pasi fatmirësisht nuk kanë marrë lëndime të rënda.
Rastin për Gazetën Sinjali e ka konfirmuar edhe Policia e Trafikut Rajonal në Gjakovë, e cila ka njoftuar se i dyshuari për rastin është liruar.
“I dyshuari është shoqëruar në stacion dhe pas përfundimit të procedurave është liruar”, thuhet në njoftim, shkruan Gazeta Sinjali.
