Një person plagoset rëndë nga një mjet shpërthyes

Një person ka mbetur i lënduar në fshatin Babaj i Bokës së Gjakovës, i cili dyshohet se ra në kontakt me një mjet shpërthyes.

Zëdhënësi i policisë për rajonin e Gjakovës, Sheremet Elezaj, tha se viktima është duke u trajtuar në emergjencë, ndërsa janë duke u ndërmarrë veprimet e nevojshme hetimore.

“Rreth orës 11:15 jemi njoftuar se viktima mashkull i moshës madhore kishte pësuar lëndime të rënda trupore (dyshohet si pasojë e kontaktit nga mjet shpërthyes) në një fushë të hapur në fshatin Babaj Bokës-Gjakovë.

Njësitet e nevojshme policore ju kanë përgjigjur rastit dhe viktima është dërguar me emergjencë për trajtim mjekësor. Aktualisht janë duke u ndërmarrë veprimet e nevojshme hetimore”, tha Elezaj./Telegrafi/