Policia jep detaje për personin që u gjet i vdekur në rrugë

Një rast i rëndë është raportuar ku një person është gjetur pa shenja jete në rrethana ende të paqarta. Autoritetet kanë dalë menjëherë në vendin e ngjarjes për të verifikuar situatën dhe për të nisur procedurat hetimore lidhur me rastin.

Sipas informacioneve, viktima mashkull kosovar është gjetur i shtrirë pa shenja jete në rrugë, pranë shtëpisë së tij në fshatin Krstac i Epërm të Dragashit. Në vendin e ngjarjes kanë intervenuar njësitet e emergjencës, të cilët kanë konstatuar vdekjen e tij.

Pas ekzaminimeve fillestare, me urdhër të prokurorit kompetent, trupi i pajetë i viktimës është dërguar në Institutin e Mjekësisë Ligjore për obduksion, me qëllim të përcaktimit të shkaqeve të vdekjes.

Rrethanat që kanë çuar deri te ky rast mbeten nën hetime nga organet kompetente, të cilat po punojnë për zbardhjen e plotë të ngjarjes dhe sqarimin e detajeve të tjera lidhur me të. /PodujevaSot