26 vjeçari që vdiq në aksident ishte në orar të punës duke shpërndarë ushqim
Një person ka vdekur si pasojë e një aksidenti mes një veture dhe një motoçilkete në Mitrovicë, raporton GazetaDemos.
Për vdekjen e tij reagoi ish-kryetari i Mitrovicës, Agim Bahtiri i cili shprehu ngushëllime.
“I ndjeri punonte në një piceri dhe ishte në orar të punës, duke shpërndarë ushqim me motoçikletë në kohen kur ndodhi aksidenti.”, deklaroi ai.
Postimi i plotë i tij:
Telegram ngushëllimi,
Me dhimbje të thellë mora lajmin për aksidentin tragjik që ndodhi para pak çastësh në Shipol, ku mbeti i vdekur një 26 vjeçar me inicalet Q.S.
I ndjeri punonte në një piceri dhe ishte në orar të punës, duke shpërndarë ushqim me motoçikletë në kohen kur ndodhi aksidenti.
Ju shpreh ngushëllimet më të sinqerta familjes Salihu, prindërve të të ndjerit por edhe të gjithë fshatit Kovaçicë.
Allahu e pranoftë në mëshirën e tij të riun mitrovicas. 
