(Pamje të rënda) – Policia rrahin brutalisht 59 vjeçarin

Sot janë publikuar disa pamje të rënda e skandaloze ku shihet zyrtari policor duke ushtruar dhunë ndaj një 59 vjeçari.

Rasti ka ndodhur në qytetin e Prizrenit.

Gazetari i lajmi.net, Selim Miftari, ka intervistuar djalin e personit që është rrahur nga policia në mënyrë brutale, raporton lajmi.net.

Djali i personit të rrahur nga policia thotë se kjo ka ndodhur pasi babai i tij ka parkuar veturën në rrugë, dhe pas marrjes së fletëpagesës së dënimit, ai ka filluar të incizojë policët, dhe nga kjo, polici ka filluar të ofendojë në drejtim të tyre, duke kërkuar edhe përforcime nga njësitet tjera të policisë.

Pas kësaj polici i thotë 59 vjeçarit që është i arrestuar, duke e shtrirë atë në tokë ai bashkë me katër policë të tjerë. Në ngjarjen kryesore vjen edhe polici tjetër, i cili më pas ushtron dhunë ndaj 59 vjeçarit, duke i shkaktuar atij lëndime në fytyrë, shpinë dhe këmbë. /Lajmi.net/